(Chr.) In nomine sancte et individue trinitatis. Fridericus, divina favente clementia Romanorum imperator augustus. Imperialis benivolentię esse dinoscitur, religiosa dei loca devote venerari, et quecumque pie devotionis causa ad hec sunt contradita, eque ut ad proprium fiscum pertinentia, studiose tueri, ne ab aliquo violentia vel qualicumque ingenio possint attemptari. Eapropter nos quoque, predecessorum nostrorum sequentes vestigia, omnibus Christi fidelibus tam futuris quam presentibus notificamus, quod sacrosanctum cenobium, in nostro imperio, in episcopatu Spirensi situm, in pago Creihcgouue, in comitatu Breteheim, iuxta villam Otenheim, quod dicitur Wigoldesberc, pia amplectimur veneratione, et quicquid iuris in quacumque dispositione, in quacumque donatione et possessione a suo fundatore, seu etiam ab aliqua imperiali sive apostolica sanctione sortitum est, vel oblationibus fidelium collatum est, id quoque nos nostra corroboramus auctoritate. Hoc itaque a Treverensi venerabili archiepiscopo Brunone – etc. –a Predia autem, ex tunc usque in hodiernum, vel quorumlibet fidelium spontanea oblatione collata, vel industria venerabilium eiusdem cenobii abbatum irrefragabiliter acquisita, his habentur in locis: Kircheim, Bathenheim, Sachsenheim2, Cimberen3, Hochdorf, Eichelberc, Elsenze, Bernbach4, Wiskelingen5, Lengeuelt, Germersheim, 6, Hainbrucgen, Nanthoheshusen7, Forst, Obestat, Brůchsella, Wesingen8, Spilberc9, Zutheren, Osteringen, Rethencheim, Ageleisterenhusen, Ditershusen, Helmestat, Suegeren, Slutheren, Beggingen, Negger-Gardaha, Waltgartaha10, Loufen, Robber . . n, Bittelbrunnen. Hec quidem omnia iuxta decretum et ordinationem venerabilis prefati antistitis incommutabiliter observari precipimus, insuper hoc de nostro addendo iuxta tenorem prime institutionis eiusdem cenobii. Abbas clericos suos, per ecclesias suas constitutos, ab omni servitute cuiuslibet advocati, videlicet a pernoctationibus seu ab aliis quibuscunque exactionibus, nisi si quid forte ex caritate ipsos eis impendere collibuerit, liberos possideat, recipiens ab his servicium, debitum honorem, a cuius manu beneficium et investituram ipsi susceperunt ecclesie. De prediis quoque collatis et conferendis hoc habeat indultum, ut, que per annum vel amplius quieta possessione et absque aliqua contradictione detinuerunt, nullus heres eis aufferre presumat, sed ordine iudiciario coram imperatore, vel in synodo, si quas putat se habere rationabiles petitiones, experiatur. Nolumus etiam ut aliqua secularis potestas sub quocunque prelationis vel officii nomine in personis vel in rebus eiusdem cenobii, sive in curtibus vel in aliis possessionibus quicquam iuris sibi vendicet, etiam ne de cetero execranda consuetudine infra vel iuxta idem monasterium conventus militum causa placitorum celebrentur, omnimodo etiam sub nostro interdicimus banno. Ut autem prefate dispositionis et nostre sanctionis statuta rata et illibata perpetuo durent, hanc cartam, preordinata omnia continentem, conscribi nostrique sigilli inpressione communiri iussimus, adhibitis ydoneis testibus, quorum nomina hec sunt: Reinaldus, Coloniensis archiepiscopus. Hyllinus, Treverensis archiepiscopus. Stephanus, Uiennensis archiepiscopus. Guido, Ravennensis archiepiscopus. Peregrinus, Aquilegiensis patriarcha. Ortliebus, Basiliensis episcopus. Burchardus, Argentinensis episcopus. Guntherus, Spirensis episcopus. Cunradus, Wormatiensis episcopus. Godefridus, Traiectensis11 episcopus. Heinricus, Wirzeburgensis episcopus. Eberhardus, Babenbergensis episcopus. Heinricus, Leodiensis episcopus. Fridericus, Monasteriensis episcopus. Wernherus, Mindensis episcopus omnesque fere Teutonici et Ytalici episcopi, Burgundiones et Provinciales. Fridericus, dux Suevorum, filius domni Cůnradi regis. Ludewicus, provincialis comes de Turingia. Cůnradus, palatinus comes Rheni. Otto, palatinus de Widelinesbach. Heinricus, dux Karinthie. Cunradus, comes de Baden. Hugo, comes de Dagesburc. Cunradus, comes de Amberc. Heinricus, comes de Tuingen. Marquardus de Grunbach12 et alii quam plures.
Signum domni Friderici, Romanorum imperatoris invictissimi. (Monogramm.)
Ego V̊dalricus cancellarius vice domni Reinaldi, Coloniensis archiepiscopi et archicancellarii, recognovi.
Acta sunt hęc anno dominicę incarnationis MCLXI., indictione VIIII., regnante domno Friderico, Romanorum imperatore victoriosissimo, anno regni eius X., imperii vero VII. Datum Laude in generali concilio ibidem in tercia Mediolanensi vastatione13 congregato.
Der Textabdruck folgt dem Original. Ebenfalls im GLA Karlsruhe befindet sich ein Transsumpt Kaiser Karls V. von 1525 Jan. 9.
Rechts seitwärts unter dem Monogramm ein rundes, links beschädigtes Majestätssiegel aufgedrückt, mit einer schönen Zeichnung des sitzenden Kaisers. Aus der Umschrift FREDERICus. DEI. GRatiA. ROMANORum IMPERATOR. AVGustuS. (vgl. Urkunde Nr. 358, S. 109) ist das Wort imperator herausgebrochen.
a Von hier an stimmt der Text wörtlich mit der in WUB, Bd. I, Nr. 277, S. 350 ff., abgedruckten Urkunde König Heinrichs V. von 1122 März 5 überein, und zwar bis zu den Worten et in Wilare dimidiam (partem) cum omnibus appendiciis eorum. Darauf folgt die Fortsetzung wie oben. 1 Die genauere Datierung auf Juni folgt den MGH DD F I und den Regesta Imperii, die sich dabei auf den Hinweis auf das Lodener Konzil in der Datierungszeile stützen. 2 Groß- und Kleinsachsenheim. 3 Frauenzimmern, Dürrenzimmern oder Metterzimmern. 4 Vielleicht Bärenbach, Bruchweiler-Bärenbach, PS. 5 Großfischlingen. 6 Dettenheim, abgegangenes Dorf am Rhein, jetzt nach Karlsdorf bei Bruchsal verlegt. 7 Landshausen. 8 Ober- und Niederwössingen. 9 Spielberg, Sachsenheim, LB oder Spielberg, Karlsbad, KA. 10 Großgartach. 11 Utrecht. 12 Burggrumbach. 13 Die Regesta Imperii Abt. 4, Bd. 2,2, S. 99–103, verzeichnen ähnlich datierte Urkunden des Jahres 1161. Das Jahr 1162 ist in einer der dort angeführten Urkunden als der annus deditionis oder destructionis Mediolanensis bezeichnet.
Überlieferung und Publikationen
Lagerort:
GLA Karlsruhe
Signatur/Titel des Originals:
A 141
Überlieferung und Textkritik:
Vgl. Transsumpt Kaiser Karls V. von 1525 Jan. 9, ebenfalls im GLA Karlsruhe.
Editionen:
Dümgé: Regesta Badensia, Nr. 94, S. 142 (mangelhaft). MGH DD FI, Teil 2, S. 163–166, Nr. 334.
